ಕೀಬೋರ್ಡ್ ನೋಡದಿರಲು ಪ್ರಯತ್ನಿಸಿ, ಇದು ಮೊದಲಿಗೆ ಕಷ್ಟವಾಗಬಹುದು ಆದರೆ ನೀವು ಪ್ರಯೋಗಿಸುತ್ತಾ ಹೋದಂತೆಲ್ಲ ಅದು ಸುಲಭವಾಗುತ್ತದೆ ಮತ್ತು ನಿಮ್ಮ ಬೆರಳುಗಳು ನೀವು ಪ್ರಜ್ಞಾಪೂರ್ವಕವಾಗಿ ಮಾಡದಿದ್ದರೂ ಯಾವ ಬೆರಳು ಯಾವ ಕೀಲಿಯ ಮೇಲಿರಬೇಕೋ ಅಲ್ಲಿಗೆ ಚಲಿಸಲು ಆರಂಭಿಸುತ್ತವೆ.
ನೀವು ಟೈಪಿಂಗ್ ಕಲಿಯುತ್ತಾ ಹೋದಂತೆ,ಯಾವ ಬೆರಳನ್ನು ಬಳಸುವುದೆಂಬುದಕ್ಕೆ ಕೀಬೋರ್ಡ್ ಮೇಲೆ ನೋಡಿ. ತಪ್ಪು ಮಾಡಲು ಹೆದರಬೇಡಿ - ಒಂದು ವೇಳೆ ತಪ್ಪಾದರೂ, ನೀವು ಬಳಸಬೇಕಾದ ಸರಿಯಾದ ಕೀಲಿಯನ್ನು ಪ್ರೋಗ್ರಾಂ ತೋರಿಸುತ್ತದೆ. ಕೀಲಿ ಸರಿಯಾಗಿದ್ದರೆ ಹಸಿರು ಬಣ್ಣವನ್ನೂ, ತಪ್ಪಾಗಿದ್ದರೆ ಕೆಂಪು ಬಣ್ಣವನ್ನೂ ಅದು ತೋರಿಸುತ್ತದೆ.
ಹೊಸದಾಗಿ ಗಳಿಸಿದ ಜ್ಞಾನವನ್ನು ಶೀಘ್ರವೇ ನಿಮ್ಮ ದೈನಂದಿನ ಕಂಪ್ಯೂಟರ್ ಚಟುವಟಿಕೆಗಳ ವೇಳೆ ಬಳಸಲು ಆರಂಭಿಸಿ, ಟೈಪಿಂಗ್ ಕಲಿಯಲು ಇದಕ್ಕಿಂತ ಉತ್ತಮ ದಾರಿ ಬೇರಿಲ್ಲ.
ಒಂದು ವೇಳಾಪಟ್ಟಿಯನ್ನು ಹೊಂದಿಸಿ. ಕಲಿಕೆಗಾಗಿ ಒಂದು ವೇಳಾಪಟ್ಟಿಯನ್ನು ತಯಾರಿಸದ ಹೊರತು ಅಭ್ಯಾಸ ಮಾಡುವುದನ್ನು ತಪ್ಪಿಸಿಕೊಳ್ಳಲು ನೆಪಗಳನ್ನು ಹುಡುಕುವುದು ತುಂಬಾ ಸುಲಭ.
ನೀವು ಮಾಡುತ್ತಾ ಇರುವ ತಪ್ಪುಗಳ ಸಂಖ್ಯೆಗಳನ್ನು ಗಮನಿಸುತ್ತಿರಿ ಮತ್ತು ಮುಂದಿನ ಟೆಸ್ಟ್ ಗಳ ವೇಳೆ ನಿಮ್ಮ ಟೈಪಿಂಗ್ ವೇಗ ಹೆಚ್ಚಿಸುವ ಬದಲು ತಪ್ಪುಗಳ ಸಂಖ್ಯೆ ಕಡಿಮೆ ಮಾಡಿಕೊಳ್ಳುವತ್ತ ನಿಮ್ಮ ಗಮನವನ್ನು ಕೇಂದ್ರೀಕರಿಸಿ. ಉತ್ಪಾದತೆಯಲ್ಲಿ ವೃದ್ಧಿ ಇದು ಅಂತಿಮ ಫಲಿತಾಂಶವಾಗಿರುತ್ತದೆ.
ಕೀಲಿಯನ್ನು ಹೊಡೆದ ಹಾಗೆಲ್ಲಾ, ಸಣ್ಣಗೆ ಅದರ ಹೆಸರು ಹೇಳುವುದರಿಂದ ನಿಮಗೆ ಸಹಾಯ ಆಗಬಹುದು. ನೀವು ಮಾಡುವ ತಪ್ಪುಗಳು ನಿಮ್ಮ ವಿಶ್ವಾಸವನ್ನು ತಗ್ಗಿಸದಂತೆ ನೋಡಿಕೊಳ್ಳಿ; Touch Typing ಅನ್ನುವುದು ಒಂದು ಕೌಶಲ್ಯ ಅಭ್ಯಾಸ ಮಾಡುವ ಮೂಲಕ ಅದನ್ನು ಕಲಿಯಲಾಗುತ್ತದೆ.
ತಾಳ್ಮೆಯಿಂದಿರಿ. ಒಮ್ಮೆ ಸರಿಯಾದ ಬೆರಳು- ಕೀಸ್ಟ್ರೋಕ್ ಶೈಲಿಗಳನ್ನು ಕಲಿತರೆ, ವೇಗ ಮತ್ತು ನಿಖರತೆ ಸ್ವಾಭಾವಿಕವಾಗಿಯೇ ಬರುತ್ತವೆ.
ಕೀಲಿಯನ್ನು ಹೊಡೆಯಲು ಅಗತ್ಯವಿರುವ ಬೆರಳನ್ನು ಮಾತ್ರ ಸರಿಸಿ. ಇತರ ಬೆರಳುಗಳು ತಮ್ಮ ನಿಗದಿತ ಮೂಲ ಸಾಲು ಕೀಲಿಗಳಿಂದ ಅತ್ತಿತ್ತ ಸರಿಯಲು ಬಿಡಬೇಡಿ.
ನಿಮ್ಮ ಬೆರಳುಗಳು ಮೂಲ ಸಾಲಿನ ಕೀಲಿಗಳ ಮೇಲೆ ಇರಬೇಕು ಮತ್ತು ಕೀಬೋರ್ಡಿನ ಅದೇ ಸಮಾನ ಕೋನದಲ್ಲಿ ನಿಮ್ಮ ಕೈಗಳು ವಾರೆಯಾಗಬೇಕು. ನಿಮ್ಮ ಮಣಿಕಟ್ಟುಗಳು ಆಲಸಿಯಾಗಲು ಮತ್ತು ಮೇಜು ಅಥವಾ ಕೀಬೋರ್ಡ್ ಮೇಲೆ ವಿರಮಿಸಲು ಬಿಡಬೇಡಿ.
ನಿಮ್ಮ ಟೈಪಿಂಗ್ ಕೌಶಲ್ಯ ತೃಪ್ತಿ ನೀಡುವವರೆಗೆ ಪ್ರತಿ ಪಾಠವನ್ನು ಅನೇಕ ಬಾರಿ ಅಭ್ಯಾಸ ಮಾಡಿ.
ಕೀಲಿಗಳ ಮೇಲೆ ಅಪ್ಪಳಿಸಬೇಡಿ. ಸಾಧ್ಯವಾದಷ್ಟು ಕಡಿಮೆ ಒತ್ತಡವನ್ನು ಪ್ರಯೋಗಿಸಿ. ಎಲ್ಲಾ ಹತ್ತು ಬೆರಳುಗಳನ್ನು ಕೀಲಿಗಳ ಮೇಲ್ಮೈ ಮೇಲೆ ಇರಿಸುವ ಮೂಲಕ ಪದಗಳ ನಡುವೆ ವಿಶ್ರಾಂತಿ ಪಡೆಯಿರಿ.
ಕೀಲಿಗಳನ್ನು ಸಕ್ರಿಯಗೊಳಿಸದೆ ಕೈಗಳಿಗೆ ವಿಶ್ರಾಂತಿ ನೀಡಲು, ಎಲ್ಲಾ ಐದು ಬೆರಳುಗಳನ್ನು ಏಕಕಾಲದಲ್ಲಿ ಕೀಬೋರ್ಡ್ ಮೇಲ್ಮೈ ಮೇಲೆ ಎಲ್ಲಿಯಾದರೂ ಇಟ್ಟು ಬಿಡಿ.
ಒಂದು ಸಮಯದಲ್ಲಿ ಒಂದೇ ಬೆರಳಿನಿಂದ ಪ್ರತಿ ಕೀಲಿಯ ಸಂಕೇತವನ್ನು ಹಗುರವಾಗಿ ಆದರೆ ಕ್ಷಿಪ್ರಗತಿಯಲ್ಲಿ ತಟ್ಟಿರಿ, ಆಕಸ್ಮಿಕವಾಗಿ ಅನುದ್ದೇಶಿತ ಕೀಲಿಗಳನ್ನು ತಟ್ಟದಂತೆ ಎಚ್ಚರಿಕೆ ವಹಿಸಿ.
ಸ್ವಯಂ-ಪುನರಾವರ್ತನೆಯನ್ನು ಸಕ್ರಿಯಗೊಳಿಸಲು, ಅಪೇಕ್ಷಿತ ಕೀಲಿಯ ಮೇಲೆ ಒಂದು ಬೆರಳನ್ನು ಸ್ಪರ್ಶಿಸಿ ಮತ್ತು ಹಿಡಿದಿರಿಸಿ. ಸ್ವಯಂ-ಪುನರಾವರ್ತನೆಯನ್ನು ನಿಲ್ಲಿಸಲು ಬೆರಳನ್ನು ಮೇಲಕ್ಕೆತ್ತಿ.
ಟೈಪಿಂಗ್ ಆಟಗಳು ನಿಮ್ಮ ಟೈಪಿಂಗ್ ವೇಗ ಮತ್ತು ನಿಖರತೆಯನ್ನು ಸುಧಾರಿಸುವ ಮೋಜಿನ ವಿಧಾನವಾಗಿದೆ. ಆಟವಾಡುತ್ತಲೇ ಕಲಿಯಿರಿ!
ಬೆರಳು ಸಮನ್ವಯ ಅಭ್ಯಾಸಗಳು ಮತ್ತು ಒತ್ತಡ ತಗ್ಗಿಸುವ ಅಭ್ಯಾಸಗಳು, ಒತ್ತಡವನ್ನ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಮತ್ತು ಅವು ನಿಮ್ಮ ಮುಖದ ಮೇಲೆ ಆಗಾಗ ಒಂದು ನಗುವನ್ನ ಮೂಡಿಸುತ್ತವೆ. ಒಂದು ಸಂತೋಷಕರ ಮನಸ್ಥಿತಿ ಮತ್ತು ಆಹ್ಲಾದಕರ ವಾತಾವರಣವು ಕಲಿಕೆಯಲ್ಲಿ ಮೋಜನ್ನು ತರಲು ಸಹಾಯ ಮಾಡಬಹುದು.
ನೀವು ಪ್ರತಿ ಪಾಠಕ್ಕೆ ಕನಿಷ್ಠ 30 ನಿಮಿಷಗಳ ಅವಕಾಶವನ್ನು ನೀಡುತ್ತಿರುವಿರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
ನೀವು ನಿಮ್ಮ ಬೆರಳುಗಳನ್ನು ಮೂಲ ಸ್ಥಾನಕ್ಕೆ ಸಾಧ್ಯವಾದಷ್ಟು ಹತ್ತಿರ ಇರಿಸಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ ಮತ್ತು ಕಲಿಕೆಯ ಸಂದರ್ಭದಲ್ಲಿ ನಿಮ್ಮ ಕೈಯನ್ನು ಅತ್ತಿತ್ತ ಆಡಿಸುವುದನ್ನು ಕಡಿಮೆ ಮಾಡಿಕೊಳ್ಳಿ.
ಟೈಪ್ ಮಾಡಲು ಕಲಿಯುವುದು ಅಂದರೆ ತಪ್ಪು ಮಾಡುವುದು ಎಂದು, ಹಾಗಾಗಿ ನೀವು ತಪ್ಪು ಕೀಲಿಯನ್ನು ಹೊಡೆದರೆ ನಿರಾಶರಾಗಬೇಡಿ.
ಒಂದು ಸ್ಥಿರ ವೇಗದಲ್ಲಿ ಟೈಪ್ ಮಾಡಲು ಪ್ರಯತ್ನಿಸಿ.
ನಿಮ್ಮ ಮಣಿಕಟ್ಟುಗಳನ್ನು ಮೇಲಕ್ಕೆ ಎತ್ತುವುದರಿಂದ ನಿಮ್ಮ ಬೆರಳುಗಳು ಕೆಳಗೆ ಬಾಗುವುದನ್ನು ಖಚಿತಪಡಿಸಿಕೊಳ್ಳಲು ಮತ್ತು ಕೀಲಿಗಳನ್ನು ಕ್ಷಿಪ್ರವಾಗಿ ಮತ್ತು ನಿಖರವಾಗಿ ಹೊಡೆಯಲು ಸಹಾಯವಾಗುತ್ತದೆ.
ಅಪ್ಪರ್/ ಲೋವರ್ ಕೇಸ್ ನಡುವೆ ಬದಲಾಯಿಸಲು ಯಾವಾಗಲೂ ಎಡ ಕೈಯನ್ನು ಬಳಸಿ. ಗಮನಿಸಿ: ಕೆಲವು ಲ್ಯಾಪ್ಟಾಪ್ ಕೀಬೋರ್ಡ್ಗಳಲ್ಲಿ ಅಕ್ಷರಗಳು ಪರಸ್ಪರ ಹತ್ತಿರ ಇರಬಹುದು.
ನೀವು ಕೀಬೋರ್ಡ್ನಿಂದ ಎಷ್ಟು ದೂರ ಇದ್ದೀರಿ ಗಮನಿಸಿ. ಕೀಬೋರ್ಡ್ಗೆ ತುಂಬಾ ಹತ್ತಿರ ಕುಳಿತುಕೊಳ್ಳುವ- ಒಂದು ಸಾಮಾನ್ಯ ಸಮಸ್ಯೆಯನ್ನು ತಪ್ಪಿಸಲು ನಿಮ್ಮ ಕುರ್ಚಿಯನ್ನು ಹೊಂದಿಸಿಕೊಳ್ಳಿ. ಪ್ರಕಾಶವನ್ನು ಕಡಿಮೆ ಮಾಡಿಕೊಳ್ಳಲು ನಿಮ್ಮ ಮಾನಿಟರ್ನ ಕೋನವನ್ನು ಹೊಂದಿಸಿಕೊಳ್ಳಿ.
ನೀವು ಹೆಚ್ಚು ಅಭ್ಯಾಸ ಮಾಡಿದ ಹಾಗೆಲ್ಲಾ, ನಿಮ್ಮ ಟೈಪಿಂಗ್ ಉತ್ತಮವಾಗುತ್ತದೆ ಮತ್ತು ನಿಮ್ಮ ವೇಗ ಹೆಚ್ಚಾಗುತ್ತದೆ.
ನಿಮಗೆ ಒಂದು ಅಕ್ಷರ ಅಥವಾ ಒಂದು ಸಂಖ್ಯೆಯ ಕೀಲಿ ಎಲ್ಲಿದೆ ಎಂಬುದು ನಿಖರವಾಗಿ ಗೊತ್ತಾಗದ ಹೊರತು, ಕೆಳಗೆ ಇರುವ ಕೀಬೋರ್ಡ್ ನೋಡದೆ ಟೈಪ್ ಮಾಡಲು ನಿಮಗೆ ಸಾಧ್ಯವಾಗದಿರಬಹುದು.
ಸಾಧ್ಯವಾದರೆ, ಒಂದು ವ್ಯವಸ್ಥಿತ ಕೀ ಬೋರ್ಡ್ ಮೇಲೆ ಅಭ್ಯಾಸ ಮಾಡಲು ಪ್ರಯತ್ನಿಸಿ, ಲ್ಯಾಪ್ಟಾಪ್ ಕೀಬೋರ್ಡ್ ನಲ್ಲಿ ಅಲ್ಲ.
ನಿಮ್ಮ ಕೀಬೋರ್ಡ್ ಬಳಕೆ ಆರಾಮದಾಯಕವಾಗಿರಲಿ ಮತ್ತು ಇದು ನಿಮ್ಮ ಬೆರಳುಗಳಿಗೆ ಸರಿಯಾದ ಎತ್ತರದಲ್ಲಿ ಇದೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
ನೀವು ಟೈಪಿಂಗ್ ವೇಗದ ಪರೀಕ್ಷೆ ಆರಂಭಿಸುವ ಮೊದಲು, ನೀವು ನೇರವಾಗಿ ಕುಳಿತಿರುವಿರಿ, ನಿಮ್ಮ ಪಾದಗಳು ನೆಲದ ಮೇಲೆ ಸಮತಲದಲ್ಲಿವೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ನಿಮ್ಮ ಮೊಣಕೈಗಳು ನಿಮ್ಮ ದೇಹಕ್ಕೆ ಸಮೀಪದಲ್ಲಿರಲಿ, ನಿಮ್ಮ ಮಣಿಕಟ್ಟುಗಳು ನೇರವಾಗಿರಲಿ ಮತ್ತು ನಿಮ್ಮ ಮುಂದೋಳುಗಳ ಮಟ್ಟದಲ್ಲಿರಲಿ ಮತ್ತು ನಿಯಮಿತವಾಗಿ ವಿರಾಮ ತೆಗೆದುಕೊಳ್ಳುವುದನ್ನು ಮರೆಯದಿರಿ.
ಆರಾಮದಾಯಕ ವ್ಯಾಯಾಮಗಳು: ಎರಡೂ ಕೈಗಳ ಬೆರಳುಗಳನ್ನು ದೂರ ದೂರ ಬಿಡಿಸಿಕೊಳ್ಳಿ. ಐದು ಸೆಕೆಂಡುಗಳ ಕಾಲ ಹಾಗೆಯೆ ಇರಲಿ, ನಂತರ ಸಡಿಲವಾಗಲು ಬಿಡಿ. ಒಟ್ಟು ಮೂರು ಬಾರಿ ಪುನರಾವರ್ತಿಸಿ.
ನಿಮ್ಮ ಟೈಪಿಂಗ್ ವೇಗವನ್ನು ನಿಯತಕಾಲದಲ್ಲಿ ಮಾಪನ ಮಾಡುವುದನ್ನು ಖಚಿತಪಡಿಸಿಕೊಳ್ಳಿ- ನೀವು ಕಲಿತ ಹಾಗೆಲ್ಲಾ ನಮ್ಮ ಟೂಲ್ ಮೂಲಕ ನಿಮ್ಮ ವೇಗ ಮತ್ತು ನಿಖರತೆ ಪ್ರಗತಿಗಳೆರಡನ್ನೂ ನೀವು ಪರೀಕ್ಷಿಸಬಹುದು. ಪ್ರತೀ ನಿಮಿಷದಲ್ಲಿನ ಪದಗಳ ಸಂಖ್ಯೆಯು ನಿಮ್ಮ ಟೈಪಿಂಗ್ ಮಟ್ಟವನ್ನು ಸೂಚಿಸುತ್ತದೆ.
ಟೈಪಿಂಗ್ ಪರೀಕ್ಷೆಗಳು ವೇಗ ಮತ್ತು ತಪ್ಪುಗಳು ಎಂಬ ಎರಡು ವಿಷಯಗಳನ್ನು ಮಾಪನ ಮಾಡುತ್ತವೆ, ಆದ್ದರಿಂದ ನೀವು ನಮ್ಮ ಟೈಪಿಂಗ್ ಸ್ಪೀಡ್ ಪರೀಕ್ಷೆ ತೆಗೆದುಕೊಳ್ಳುವಾಗ, ನಿಮ್ಮ ವೇಗದ ಬಗ್ಗೆ ಮಾತ್ರ ಗಮನಹರಿಸಬೇಡಿ.
ಕೀಬೋರ್ಡ್ ತುಂಬಾ ಎತ್ತರದಲ್ಲಿ ಇದ್ದರೆ (ಕುರ್ಚಿ ತುಂಬಾ ತಗ್ಗು ಇರುವುದು) ಕೀಬೋರ್ಡ್ನ ಮೇಲಿನ ಸಾಲುಗಳಲ್ಲಿ ತಪ್ಪುಗಳಾಗಬಹುದು. ಕೀಬೋರ್ಡ್ ತುಂಬಾ ತಗ್ಗು ಇದ್ದರೆ (ಕುರ್ಚಿ ತುಂಬಾ ಎತ್ತರ ಇರುವುದು) ಕೀಬೋರ್ಡ್ನ ಕೆಳಗಿನ ಸಾಲುಗಳಲ್ಲಿ ತಪ್ಪುಗಳಾಗಬಹುದು.
ಆರಾಮದಾಯಕ ವ್ಯಾಯಾಮ: ಕೈಯ ಮಣಿಕಟ್ಟನ್ನು ಚಾಚಿರುವ ರೀತಿಯಲ್ಲಿ ಒಂದು ಕಡೆ ನಿಮ್ಮ ಕೈಯನ್ನು ಇರಿಸಿ, ಇನ್ನೊಂದು ಕೈಯಿಂದ ಚಾಚಿರುವ ಹೆಬ್ಬೆರಳಿನ ಹಿಂಭಾಗಕ್ಕೆ ಮತ್ತು ಕೆಳಮುಖವಾಗಿ ನಯವಾಗಿ ಒತ್ತಡ ಹಾಕಿ. ಐದು ಸೆಕೆಂಡುಗಳ ಕಾಲ ಹಾಗೆಯೇ ಹಿಡಿಯಿರಿ ಮತ್ತು ಸಡಿಲಗೊಳಿಸಿ. ಪ್ರತೀ ಕೈಗೂ ಇದನ್ನು ಮೂರು ಬಾರಿ ಪುನರಾವರ್ತಿಸಿ.
ನೀವು ಪ್ರತಿ ದಿನ 30-60 ನಿಮಿಷಗಳಷ್ಟು ಅಭ್ಯಾಸ ಮಾಡಿದರೆ ಪ್ರತಿ ನಿಮಿಷಕ್ಕೆ ~ 50 ಪದಗಳ ವೇಗವನ್ನು ಪಡೆಯಲು ಒಂದು ಅಥವಾ ಎರಡು ವಾರ ಬೇಕಾಗಬಹುದು. ತಾಳ್ಮೆಯಿಂದಿರಿ.
ಟೈಪಿಂಗ್ ಟೆಸ್ಟ್ ಪ್ರಾರಂಭಿಸುವ ಮೊದಲು ನಿಮ್ಮ ಮಣಿಕಟ್ಟುಗಳು ಮತ್ತು ಬೆರಳುಗಳನ್ನ್ನು ಚಾಚಿಕೊಳ್ಳಿ.
ನೀವು ಟೈಪಿಂಗ್ ಅನ್ನು ಸುಲಭಗೊಳಿಸಲು ಬಯಸುವುದಾದರೆ, ನೀವು ನಿಮ್ಮ ದಕ್ಷತೆಯನ್ನು ಸುಧಾರಿಸಬೇಕು. ನಿಮ್ಮ ಕೈಗಳನ್ನು ಬಳಸಿ ನುಡಿಸುವ ಗಿಟಾರ್ ಅಥವಾ ಬೇರೆ ವಾದನಗಳನ್ನು ನುಡಿಸುವುದರಿಂದ ಸಹಾಯವಾಗುತ್ತದೆ.
ಆರಾಮದಾಯಕ ವ್ಯಾಯಾಮ: ಬೆರಳುಗಳನ್ನು ಹತ್ತಿರ ಹತ್ತಿರ ಇರಿಸಿ ಎರಡೂ ತೋಳುಗಳನ್ನು ಹೊರಕ್ಕೆ ಚಾಚಿಕೊಳ್ಳಿ ಮತ್ತು ನಿಮ್ಮ ಮೊಣಕೈಯನ್ನು ಮಾತ್ರ ತಿರುಗಿಸುತ್ತಾ ಕೈಗಳಿಂದ ಒಂದು ವೃತ್ತವನ್ನು ಬಿಡಿಸಿ. ಒಂದು ದಿಕ್ಕಿನಲ್ಲಿ ಐದು ವೃತ್ತಗಳನ್ನು, ನಂತರ ವಿರುದ್ಧ ದಿಕ್ಕಿನಲ್ಲಿ ಐದು ವೃತ್ತಗಳನ್ನು ಬಿಡಿಸಿ.
ಸ್ನೇಹಿತರು ಮತ್ತು ಕುಟುಂಬದೊಂದಿಗೆ ಚಾಟ್ ಮಾಡಿ.
ಪ್ರತಿ ಪಾಠವನ್ನು ಪೂರ್ತಿಗೊಳಿಸಿ, ನಂತರ ಒಂದು ವೇಗದ ಪರೀಕ್ಷೆಯನ್ನು ಅನ್ನು ಪ್ರಯತ್ನಿಸಿ.
ಟೈಪ್ ಮಾಡಲು ಕಲಿಯುತ್ತಿರುವಾಗ, ನೀವು ಅಭ್ಯಾಸದ ಒಂದು ಸ್ಥಿರ ವೇಳಾಪಟ್ಟಿಗೆ ಅಂಟಿಕೊಳ್ಳುವುದು ಬಹಳ ಮುಖ್ಯ ಇಲ್ಲದೆ ಹೋದರೆ ನಿಮ್ಮ ಬೆರಳುಗಳು ತಮ್ಮ ಸ್ನಾಯು ನೆನಪನ್ನು ಮರೆಯಲು ಆರಂಭಿಸುತ್ತವೆ.
ಆರಾಮದಾಯಕ ವ್ಯಾಯಾಮ: ಅಂಗೈಗಳು ಕೆಳಮುಖವಾಗಿರುವಂತೆ ನಿಮ್ಮ ತೋಳುಗಳನ್ನು ಹೊರ ಚಾಚಿಕೊಳ್ಳಿ. ನೀವು ಯಾರಿಗೋ ನಿಲ್ಲಿಸು ಎಂದು ಹೇಳುತ್ತಿರುವಂತೆ ನಿಮ್ಮ ಕೈಗಳನ್ನ್ನು ಮೇಲಕ್ಕೆ ಎತ್ತಿ. ಮೇಲಕ್ಕೆ ಎತ್ತಿರುವ ಅಂಗೈ ಮೇಲೆ ಇನ್ನೊಂದು ಕೈಯಿಂದ ಒತ್ತಡ ಹಾಕಿ. ಐದು ಸೆಕೆಂಡ್ ಕಾಲ ಆ ಒತ್ತಡ ಹಾಗೆಯೆ ಇರಲಿ. ನಂತರ ಸಡಿಲ ಬಿಡಿ. ಇದೇ ರೀತಿ ಪ್ರತೀ ಕೈಗಳಿಗೂ ಒಟ್ಟು ಮೂರು ಬಾರಿ ಪುನರಾವರ್ತಿಸಿ.
ನೀವು ಕೀಬೋರ್ಡ್ ನೋಡುತ್ತಲೆ ವೇಗವಾಗಿ ಟೈಪಿಸಲು ಕಲಿತರೆ, ಕಾಗುಣಿತ ತಪ್ಪುಗಳಾಗಬಹುದು ಮತ್ತು ವಾಸ್ತವಿಕ ಜಗತ್ತಿನ ಟೈಪಿಂಗ್ ಡಿಕ್ಟೇಶನ್ ಸಂದರ್ಭದಲ್ಲಿ ಯಾವಾಗಲೂ ನಿಮಗೆ ತೊಂದರೆಗಳು ಎದುರಾಗಬಹುದು ಯಾಕೆಂದರೆ ಆಗ ನಿಮಗೆ ಸ್ಕ್ರೀನ್ ಮೇಲೆ ತಪ್ಪುಗಳನ್ನು ನೋಡಿಕೊಳ್ಳಲು ಸಾಧ್ಯವಾಗುವುದಿಲ್ಲ.
ನೀವು ಟೈಪ್ ಮಾಡುತ್ತಿರುವಾಗ ನಿಮ್ಮ ಕೈಯ ಸುತ್ತಲೂ ಒಂದು ಕರವಸ್ತ್ರವನ್ನು ಸುತ್ತಿಕೊಳ್ಳಿ.
ನಿಧಾನವಾಗಿ ಆರಂಭಿಸಿ ಮತ್ತು ನೀವು ವೇಗವಾಗಿ ಟೈಪಿಸಲು ಕಲಿಯುವ ಮೊದಲು ಕೀಬೋರ್ಡ್ ಬಗ್ಗೆ ಸಂಪೂರ್ಣವಾಗಿ ತಿಳಿದುಕೊಳ್ಳಿ.
ಟೈಪಿಂಗ್ನಿಂದ ನಿಮಗೆ ಕೈ ನೋಯುತ್ತಿದ್ದರೆ, ತಕ್ಷಣವೇ ನಿಲ್ಲಿಸಿ ಮತ್ತು ವಿಶ್ರಾಂತಿ ಪಡೆಯಿರಿ.
ನೀವು ಒಂದು ಔದ್ಯೋಗಿಕ ಪರಿಸರದಲ್ಲಿ ಕಲಿಯುತ್ತಿದ್ದರೆ, ಸ್ವಲ್ಪ ಸಮಯವನ್ನು ನಿಮ್ಮ ಅಧ್ಯಯನಕ್ಕೆ ಮೀಸಲಿಡುವಂತೆ ನಿಮ್ಮ ಉದ್ಯೋಗದಾತರಲ್ಲಿ ಕೇಳಿಕೊಳ್ಳಿ. ನಿಮ್ಮ ಉದ್ಯೋಗದಾತರು ನೇರವಾಗಿ ನಿಮ್ಮ ಹೊಸ ಕೌಶಲ್ಯದ ಪ್ರಯೋಜನವನ್ನು ಪಡೆಯುತ್ತಾರೆ.
ದೀರ್ಘ ಕಾಲದವರೆಗೆ ಒಂದೇ ಕಡೆಯಲ್ಲಿ ಇರುವುದನ್ನು ತಪ್ಪಿಸುವುದು ಅಪೇಕ್ಷಣೀಯವಾದುದು. ಸಾಧ್ಯವಾದಾಗಲೆಲ್ಲಾ ನಿಮ್ಮ ದಿನವನ್ನು ಬೇರೆ ಬೇರೆ ಕೆಲಸಗಳ ಮೂಲಕ ವಿಭಜಿಸಿಕೊಳ್ಳಿ.
ಒಂದು ಅಲಾರಂ ಬಳಕೆಯು, ಕೀಬೋರ್ಡ್ನಿಂದ ವಿಶ್ರಾಂತಿ ತೆಗೆದುಕೊಳ್ಳುವಂತೆ ನಿಮಗೆ ನೀವೆ ನೆನಪಿಸಲು ಸಹಾಯ ಮಾಡಬಹುದು.
ಆರಾಮದಾಯಕ ವ್ಯಾಯಾಮ: ಅಂಗೈಗಳು ಕೆಳಮುಖವಾಗಿರುವಂತೆ ನಿಮ್ಮ ತೋಳುಗಳನ್ನು ಹೊರ ಚಾಚಿಕೊಳ್ಳಿ. ಮಣಿಕಟ್ಟಿನ ಭಾಗದಿಂದ ಕೈಗಳು ಕೆಳಮುಖವಾಗರುವಂತೆ ಜೋತು ಬಿಡಿ. ಕೆಳಮುಖವಾಗಿರುವ ಕೈಯ ಹಿಂಭಾಗಕ್ಕೆ,ಇನ್ನೊಂದು ಕೈಯ ಅಂಗೈಯಿಂದ ಒತ್ತಡವನ್ನ ಹಾಕಿ. ಐದು ಸೆಕೆಂಡುಗಳ ವರೆಗೆ ಒತ್ತಡ ಹಾಗೆಯ ಇರಲಿ, ನಂತರ ಸಡಿಲಿಸಿ. ಪ್ರತಿ ಕೈಗಳಿಗೂ ಮೂರು ಬಾರಿ ಪುನರಾವರ್ತಿಸಿ.
ಇತ್ತೀಚಿನ ವರ್ಷಗಳಲ್ಲಿ ನೌಕರಿ ಮತ್ತು ಮನೆ ಎರಡೂ ಕಡೆಯಲ್ಲಿ ಕಂಪ್ಯೂಟರ್ ಬಳಕೆಯು ಹೆಚ್ಚಿದೆ. ಮತ್ತೆ ಮತ್ತೆ ಮರುಕಳಿಸುವ ಒತ್ತಡದ ಏಟುಗಳಿಗೂ ಕೀಬೋರ್ಡ್ ಬಳಕೆಗೂ ಸಂಬಂಧವಿದೆ .
ಅತಿ ಬಳಕೆಯ ಅಪಾಯದಿಂದ ಉಂಟಾಗುವ ಹಾನಿಗಳನ್ನು ತಗ್ಗಿಸಲು ನೀವು ನಿಮ್ಮ ಭಂಗಿ, ತಂತ್ರಜ್ಞಾನ, ಕೆಲಸದ ಜಾಗವನ್ನು ಸಜ್ಜುಗೊಳಿಸುವಿಕೆ ಮತ್ತು ನಿಯಮಿತ ವಿಶ್ರಾಂತಿ ತೆಗೆದುಕೊಳ್ಳುವ ಬಗ್ಗೆ ಉತ್ತಮ ಅಭ್ಯಾಸಗಳನ್ನು ಪಾಲಿಸಬೇಕಾಗುವುದು.
ನಿಮ್ಮ ಮಣಿಕಟ್ಟು, ಮೊಣಕೈ ಮತ್ತು ಕೀಬೋರ್ಡ್ಗಳು ಒಂದೇ ಸಮತಲದಲ್ಲಿ ಮತ್ತು ನಿಮ್ಮ ಮೇಲಿನ ತೋಳುಗಳಿಗೆ 90 ಡಿಗ್ರಿ ಕೋನದಲ್ಲಿ ಇರಬೇಕು. ನಿಮ್ಮ ಪರದೆಯ ಮೇಲ್ತುದಿಯು ಕಣ್ಣಿನ ಮಟ್ಟಕ್ಕೆ ಸಮೀಪ ಇರಬೇಕು.
ನೀವು ಟೈಪ್ ಮಾಡುತ್ತಿರುವಾಗ ಕೀಬೋರ್ಡ್ ಅನ್ನು ನೋಡಬೇಡಿ. ಬೆರಳುಗಳಿಗೆ ಮೂಲ ಸಾಲಿನ ಸಂಕೇತಗಳು ಸಿಗುವವರೆಗೆ ನಿಮ್ಮ ಬೆರಳುಗಳನ್ನು ಸುತ್ತಲೂ ಸರಿಸುತ್ತಾ ಇರಿ. ಕೀಲಿಗಳ ಮೇಲೆ ಚಚ್ಚಬೇಡಿ. ಸಾಧ್ಯವಾದಷ್ಟು ಕಡಿಮೆ ಒತ್ತಡವನ್ನು ಹಾಕಲು ಪ್ರಯತ್ನಿಸಿ.
ಯಶಸ್ಸು ಮತ್ತು ಸುಧಾರಣೆಯು, ಕಲಿಕೆಯನ್ನು ಪೂರ್ಣಗೊಳಿಸಿದ ನಂತರ touch typing ಜೊತೆಗೆ ನೀವು ಹೇಗೆ ಬೆಸೆದಿರುತ್ತೀರಿ ಎಂಬ ಸಂಕಲ್ಪವನ್ನು ಅವಲಂಬಿಸಿರುತ್ತದೆ. ಯಾರಿಗೆ ಹಿಂಜರಿಕೆ ಇದೆಯೋ ಅವರು ಕೆಲವೇ ವಾರಗಳಲ್ಲಿ ಕಲಿಕೆಯ ಅವಧಿಗಿಂತಲೂ ಹೆಚ್ಚು ಪ್ರಗತಿ ಮತ್ತು ಉತ್ಪಾದಕತೆಯನ್ನು ತೋರಿಸಬಹುದು.
ನೀವು ಪ್ರಮುಖ ಕೀಲಿಗಳ ಜೊತೆಗೆ Ctrl ಮತ್ತು Alt ಕೀಲಿಗಳನ್ನು ಬಳಸಲು ಸಹ ಕಲಿಯಬೇಕು - ಇದು ಕೀಬೋರ್ಡ್ ಶಾರ್ಟ್ಕಟ್ಗಳಿಗೆ ಬಹಳ ಪ್ರಯೋಜನಕಾರಿಯಾಗಿದೆ.
ನಿಮ್ಮ ಕೌಶಲ್ಯಗಳನ್ನು ಮತ್ತು ಆತ್ಮವಿಶ್ವಾಸವನ್ನು ಹೆಚ್ಚಿಸಲು ನೈಜ ಜೀವನದ ಸಂದರ್ಭಗಳಲ್ಲಿ ಅಭ್ಯಾಸ ಮಾಡುವುದು ಮತ್ತಷ್ಟು ವಿಶೇಷ ವಿಧಾನ.
ನಿಮ್ಮ ಟೈಪಿಂಗ್ ಸ್ಪೀಡ್ ಅನ್ನು ಸುಧಾರಿಸಲು 'ಸ್ಪೀಡ್ ಟೆಸ್ಟ್' ಗಳನ್ನು ವೇಳಾಪಟ್ಟಿಯಂತೆ ನಿಯಮಿತವಾಗಿ ಅಭ್ಯಾಸ ಮಾಡಿ.
ಮಕ್ಕಳಿಗೆ ಟಚ್ ಟೈಪಿಂಗ್ ಕಲಿಯುವ ವಿಧಾನ
ಮಕ್ಕಳಿಗೆ ಟಚ್ ಟೈಪಿಂಗ್ ಕಲಿಯುವುದು, ಅವರಿಗೆ ಡಿಜಿಟಲ್ ಜಗತ್ತಿನಲ್ಲಿ ವೇಗವಾಗಿ ಮತ್ತು ಸಮರ್ಥವಾಗಿ ಕೆಲಸ ಮಾಡಲು ಸಹಾಯ ಮಾಡುತ್ತದೆ. ಈ ಕೌಶಲ್ಯವು ಅವರ ಶ್ರೇಣಿಯ ಉತ್ತಮ ಸಾಧನೆಗೆ, ಮತ್ತು ಭವಿಷ್ಯದಲ್ಲಿ ವೃತ್ತಿಪರ ಯಶಸ್ಸಿಗೆ ಮುಖ್ಯವಾಗಿದೆ. ಮಕ್ಕಳಿಗೆ ಟಚ್ ಟೈಪಿಂಗ್‌ನ್ನು ಕಲಿಯಲು, ಅವರು ಪ್ರವೃತ್ತಿ ಮತ್ತು ಸಹಕಾರವನ್ನು ಹೊಂದುವಂತೆ ಸುಲಭವಾಗಿ ಮತ್ತು ಸಕಾರಾತ್ಮಕವಾಗಿ ಪರಿಚಯಿಸಬಹುದು. ಇಲ್ಲಿದೆ ಕೆಲವು ಉತ್ತಮ ವಿಧಾನಗಳು:
ಸೂಕ್ತ ಅನ್ವಯಗಳು ಮತ್ತು ವೆಬ್‌ಸೈಟ್‌ಗಳನ್ನು ಬಳಸುವುದು: ಮಕ್ಕಳಿಗೆ ಟಚ್ ಟೈಪಿಂಗ್ ಕಲಿಸಲು ಅನೇಕ ಆಟದ ಶ್ರೇಣಿಯ ವೆಬ್‌ಸೈಟ್‌ಗಳು ಮತ್ತು ಅನ್ವಯಗಳು ಲಭ್ಯವಿವೆ. TypingClub, Dance Mat Typing, ಮತ್ತು Nitrotype ಮುಂತಾದವುಗಳು ಮಕ್ಕಳು ಆನಂದವಾಗಿ ಕಲಿಯಲು ಹಾಗೂ ಅಭ್ಯಾಸ ಮಾಡಲು ಸಹಾಯ ಮಾಡುತ್ತವೆ. ಈ ಪ್ಲಾಟ್‌ಫಾರ್ಮ್‌ಗಳು ಆನಿಮೇಟೆಡ್ ಪಾಠಗಳು ಮತ್ತು ಆಟದ ಶ್ರೇಣಿಯುಳ್ಳ ಅಭ್ಯಾಸಗಳನ್ನು ನೀಡುತ್ತವೆ, ಇದರಿಂದ ಮಕ್ಕಳಿಗೆ ಕಲಿಯುವುದು ಹೆಚ್ಚು ಉಲ್ಲಾಸಕರಾಗುತ್ತದೆ.
ಆಟದ ಮತ್ತು ಪಾಠದ ವಿಧಾನವನ್ನು ಬಳಸುವುದು: ಮಕ್ಕಳಿಗೆ ಕಲಿಯುವ ಶ್ರೇಣಿಯು ಆನಂದಕರವಾಗಿರುವುದನ್ನು ಖಚಿತಪಡಿಸಲು, ಪಾಠಗಳನ್ನು ಆಟದ ಶ್ರೇಣಿಯಲ್ಲಿ ರೂಪಿಸಿ. ಟೈಪಿಂಗ್ ಅಭ್ಯಾಸದ ಸಮಯದಲ್ಲಿ ಪ್ರಶಸ್ತಿ, ಸ್ಟಿಕ್ಕರ್‌ಗಳು ಅಥವಾ ಲಾಭವನ್ನು ನೀಡುವುದು ಅವರ ಉತ್ಸಾಹವನ್ನು ಹೆಚ್ಚು ಮಾಡುತ್ತದೆ. ಕೀಬೋರ್ಡ್‌ನಲ್ಲಿ ಪಾಠಗಳನ್ನು ಪರಿಗಣಿಸಿ ಮತ್ತು ಆಲೋಚನೆಯಿಲ್ಲದ ಟೈಪಿಂಗ್ ಅನುಭವವನ್ನು ಒದಗಿಸಲು ಪ್ರಯತ್ನಿಸಿ.
ಕ್ರಮಬದ್ಧ ಪಾಠಗಳು ಮತ್ತು ಅಭ್ಯಾಸಗಳು: ಟಚ್ ಟೈಪಿಂಗ್ ಕಲಿಯುವುದು ಕ್ರಮಬದ್ಧವಾಗಿ ಸಾಗಬೇಕು. ಮೊದಲಿಗೆ, ಮಕ್ಕಳಿಗೆ ಹೋಮ್ ಕೀಲಿಗಳ (ASDF ಮತ್ತು JKL;) ಮೂಲಭೂತ ಸ್ಥಿತಿಯು ಕಲಿಯಿರಿ. ನಂತರ, ಧೈರ್ಯವನ್ನು ನೀಡುವ ಮೂಲಕ, ಹೆಸರಿನ ತಂತ್ರಜ್ಞಾನಗಳನ್ನು, ಅಕ್ಷರಗಳನ್ನು, ಮತ್ತು ಪದಗಳನ್ನು ಸಂಪೂರ್ಣವಾಗಿ ತಿಳಿಯಿರಿ. ಈ ಕ್ರಮವು ಶಿಕ್ಷಣವನ್ನು ಸುಲಭ ಮತ್ತು ಸಮರ್ಥವಾಗಿ ಮಾಡಲು ಸಹಾಯ ಮಾಡುತ್ತದೆ.
ಧೈರ್ಯ ಮತ್ತು ಸಹನೆ: ಮಕ್ಕಳಿಗೆ ಟಚ್ ಟೈಪಿಂಗ್ ಕಲಿಯುವುದು ಒಂದೇ ದಿನದಲ್ಲಿ ಸಂಪೂರ್ಣವಾಗಿ ಸಾಧಿಸಲಾಗುವುದಿಲ್ಲ. ಅವರಿಗೂ ಸಮಯ ಮತ್ತು ಧೈರ್ಯವನ್ನು ನೀಡಿ, ಮತ್ತು ಶ್ರೇಣಿಯಲ್ಲಿನ ಪ್ರಗತಿಯನ್ನು ಸಹ ಒತ್ತಿಸಲು ಪ್ರೋತ್ಸಾಹಿಸಿ. ಇವು, ನಿರಂತರ ಅಭ್ಯಾಸ ಮತ್ತು ಪರಿಶ್ರಮದಿಂದ, ಶ್ರೇಣಿಯು ಉತ್ತಮಗೊಳ್ಳುತ್ತದೆ.
ನಿಖರ ಮತ್ತು ವೇಗದ ಉಲ್ಲೇಖನ: ಟಚ್ ಟೈಪಿಂಗ್ ಅಭ್ಯಾಸದಲ್ಲಿ ನಿಖರತೆಯನ್ನು ಹೆಚ್ಚು ಒತ್ತಿಸಲು ಪ್ರಯತ್ನಿಸಿ, ಆದರೆ ವೇಗವನ್ನು ಕೂಡ ಹೆಜ್ಜೆ-ಹೆಜ್ಜೆ ಅಭಿವೃದ್ಧಿಯಾಗುವುದು ಉತ್ತಮವಾಗಿದೆ. ಮಕ್ಕಳಿಗೆ ಟೈಪಿಂಗ್ ಶ್ರೇಣಿಯು ಸುಧಾರಿಸಲು ಈ ಉಲ್ಲೇಖನವು ಅಗತ್ಯವಿದೆ.
ಪೋಷಕರ ಉಪಸ್ಥಿತಿ: ಮಕ್ಕಳಿಗೆ ಅಭ್ಯಾಸ ಮಾಡಲು ಸಹಾಯ ಮಾಡಲು ಪೋಷಕರು ಸದಾ ಅವರೊಂದಿಗೆ ಇರುತ್ತಾರೆ. ಪೋಷಕರ ಪ್ರೋತ್ಸಾಹ ಮತ್ತು ಸಹಾಯ, ಮಕ್ಕಳನ್ನು ಸುಲಭವಾಗಿ ಮತ್ತು ಉತ್ತಮ ರೀತಿಯಲ್ಲಿಯೇ ಟಚ್ ಟೈಪಿಂಗ್ ಕಲಿಯಲು ಸಹಾಯ ಮಾಡುತ್ತದೆ.
ಈ ವಿಧಾನಗಳನ್ನು ಅನುಸರಿಸುವ ಮೂಲಕ, ಮಕ್ಕಳಿಗೆ ಟಚ್ ಟೈಪಿಂಗ್ ಕಲಿಯುವುದು ಸ್ಫೂರ್ತಿದಾಯಕ ಮತ್ತು ಸಕಾರಾತ್ಮಕ ಅನುಭವವಾಗುತ್ತದೆ. ಈ ಕೌಶಲ್ಯವು ಅವರು ಉದ್ದೇಶಗಳಿಗೆ ಹೆಚ್ಚು ಶ್ರೇಣಿಯನ್ನು ಸಾಧಿಸಲು ಮತ್ತು ವೇಗವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.